अनुत्तरीत

कुंपणच खाई शेत
बुजगावण्याचा काय उपयोग?
पोलिसच करी चोरी
शंभर फिरवून काय उपयोग?
अग्निशामाकच लावि आग
एकशे एक फिरवून काय उपयोग?
वाळवी लागलेल्या लाकडाला
‍रंधा मारून काय उपयोग?
भगदाडं पडलेल्या साडीला
ठिगळं लावून काय उपयोग?
अनुवांशिक असलेल्या रोगाला
औषधाचा काय उपयोग ?
मुळातच व्हाय्यात व्यक्तीला
संस्कार वर्गाचा काय उपयोग?
अंध असलेल्या न्यायदेवतेपुढे
डोळस न्यायाधीशाचा काय उपयोग?
असंख्य अनुत्तरीत प्रश्न
विचार करून काय उपयोग?


~~~~~~~~~अक्षय दांडेकर