वेळ खूप थोडा आहे!

खूप काही करायचंय आयुष्यात
अजुन ५० टक्के सुद्धा झाल नाहीये
आई बाबा म्हणतात
मी पंचविशीचा घोडा आहे
वेळ खूप थोडा आहे!

काही करा कामात क्वालिटी तर हवीच
क्वांटीटी कमी असण्याचा प्रश्नच येत नाही
प्रत्येकाच्या डोक्यावर डेडलाईनची टांगती तलवार आहे
मी नाही परफॉर्म केला तर दुसरा कोणीतरी करणार आहे
खरच वेळ खूप थोडा आहे

घड्याळाचे काटे फिरत असतात
तास काटा  मिनिट काटा आणि सेकंद काटा
लक्ष तास काट्यावर नाही सेकंद काट्यावर ठेवा
वेळ खूप थोडा आहे

जे काहि करायचं आयुष्यात ते आताच करून घ्या
पुढच्या वर्षी जगबुडी होणार
असा बऱ्याच शास्त्रज्ञांचा होरा आहे
वेळ खुपच थोडा आहे 

....................अक्षय दांडेकर