काककथा

घराच्या आवारात 
वाटलं भरल्ये 
कावळ्यांची सभा 
कावकाव कावकाव 
गोंगाटाने आवाजाने 
सकाळी झालो जागा 
झोपमोड झाली 
म्हणुन जरा चिडलो 
"काय कटकट आहे?" 
गँलरीत जाऊन ओरडलो 
पहातो तर काय! 
एक कावळा पडलेला मरुन 
आई म्हणाली, "काचा घे लावुन" 
म्हणालो "म्युन्सिपाल्टीत फोन करु 
नेतील ते कावळा उचलून" 
आई म्हणाली "नको, 
कावळे घेतील पाहुन" 
"पण का?" आईचा राग आला 
मी आईला म्हणालो 
"आपल्यातला कोण मेला 
कि कावळा पिंडाला शिवावा 
म्हणुन केवढे खटाटोप करता 
आणि हे बोलणं... जर तो मेला?" 
आई म्हणे "त्यांची जातच तशी 
राजकारणी लोकं जशी 
पिंड खायला मिळतं म्हणुन 
कोणी मेला कि जमतात 
त्यांच गुडविल तयार करतात 
आणि त्यांच्यात कोणी मेला 
की ईतर कावळे 
कोणालाच जवळपास 
फिरकु देत नाहीत 
फिरकला चांगुलपणाने तर 
त्याला चोचींनी टोचुन मारतात 
मढ्याच्या टाळुवरच लोणि खाणं 
बहुतेक ह्यालाच म्हणतात 
मढं कोणाचही असो!"