मन करा रे Plastic!

काहींचं मन 
दगडासारखं असतं 
भक्कम, कठोर 
आणि उपद्रवी 
त्यांत भावनाच नसतात 
काहींच मन असतं 
मृदु मेणासारखं 
अगदी पटकन पाघळणारं 
काहींच मन असतं काचेसारखं 
स्वच्छ, पारदर्शक पण नाजुक 
चटकन तडा जाईलस 
तर कधीकधी लख्ख आरशासारखं 
मला वाटतं 
मन plastic चं असावं 
भक्कम, लाँग लाईफ 
पण निरुपद्रवी 
पटकन न पाघळणारं 
कधी अपारदर्शक 
तर कधी अर्धपारदर्शक 
आजकालच्या 'Use and Throw' 
आणि 'Recycle and Reuse' 
या संस्कृतीत मन करा रे Plastic!